~ GOLET RAI ~ Edisi 28 Golet Rai?, Rai ne ilang ta? Opo Hing duwe rai kok digoleti? Kadung ngomong golet Rai rasane koyo klendi gedigu..., Diarani golet Alem. Tapi kadung dipikir jeru, mulo Iyo. Lan golet raine dienggo Paran solong. Kadung dicutdiki sitik-sitik, koyok e golet rai iku... Yo kudu, kadung sing duwe rai Yo... uwong-uwong Podo bingung, masiyo duwe rai hang dianggep elek. Rai iku keneng dienggo pasemon wujude sifat-sifate hang duwe rai, mangkane kadung wong Osing nguwel wong hang ngelakoni salah mesti ngomong "Raine!", "Raine Hiro ikau!", maksude dikongkon ngocok nang sifat lan kelakuane dewek. Tujuan uripe menungso Iki kadung dipikir2 hang paling angel Yo goleti raine dewek- dewek, golet sejatining rai, rai hang pas kanggo patrape uripe dewek- dewek, rai hang digawe Ambi Gusti kang nguwasani jyagat. Goleti raine dewek byawen angele kebacut, nyaling oleh golet raine hang nggawe Rai, ndaneo...Hing nutut uteke, kecuali diduduhi...